2030-YILGACHA BO‘LGAN TARAQQIYOT STRATEGIYASI DOIRASIDA INVESTITSIYA SIYOSATINI MODERNIZATSIYA QILISH VA IQTISODIY O‘SISHNING YANGI DRAYVERLARINI SHAKLLANTIRISH

Abstract

XXI asrning globallashuv va texnologik inqilob davrida iqtisodiy o‘sishning asosiy omili investitsiyalarni samarali boshqarish va ularni innovatsion yo‘nalishlarga yo‘naltirishdan iborat bo‘lib qoldi. Jahon iqtisodiyoti tajribasi shuni ko‘rsatadiki, iqtisodiy rivojlanishning barqaror sur’atlari, yangi ish o‘rinlarining yaratilishi va raqobatbardoshlikning oshishi bevosita investitsiya siyosatining modernizatsiya darajasiga bog‘liqdir. Rivojlangan mamlakatlarda, xususan, Germaniya, Yaponiya, Janubiy Koreya va Singapurda iqtisodiy yuksalishning asosiy drayveri innovatsion texnologiyalar, ilm-fan, infratuzilma va inson kapitaliga yo‘naltirilgan investitsiyalardir.